“Honeymoon", filmi që do bashkojë shqiptarët me serbët

Regjisori serb Goran Paskaljevic ka nisur produksionin e një filmi “Honeymoon”, i cili është bashkëpunimi i parë shqiptaro- serb në fushën e kinematografisë. Agjencia e Tragjikomedia moderne është shkruar nga Paskaljevic dhe shkrimtari I ri shqiptar Genc Përmeti. Filmi do të realizojë skenat e tij në Vojvodinë, Shqipëri dhe Itali.
Paskaljevic, i cili në karrierën e tij deri tani numëron 14 filma, thotë se “Honeymoon” është sfida më e madhe. “Dua që ky film të portretizojë mentalitetin ballkanik dhe karakterin e ballkanasit, i cili është shumë i ndryshëm nga ai europian.”- Thotë Paskaljevic për agjencinë e lajmeve maqedonase Mina.
Personazhi kryesor në këtë film do të luhet nga një aktore e re serbe nga Novi Sad, Jelena Tarkulja. Aktorë të tjerë janë Xhankarlo Xhanini, Lazar Ristovski, Petar Bozovic, Mira Banjac dhe aktorë të tjerë shqiptarë dhe italianë.

Filmi flet për dy cifte të cilët vendosin të largohen nga shteti i tyre (Serbi dhe Shqipëri) dhe të shkojnë drjt Europës Perëndimore. Cifti shqiptar do të hasë vështirësi në portin e Barit, ndërsa ai serb do të ketë peripecitë në aeroportin e Berlinit. Të dy ciftet do të jenë të trishtuar nga mënyra se si i trajtojnë si “të padëshiruar” në Europën Perëndimore.